Nepali in USA Your Guide to Life in the USA
सम्बन्धित लेखहरू
वासिङ्टन, डिसी — अमेरिकी सुप्रिम कोर्टले शनिबार बिहान एक आपतकालीन आदेश जारी गर्दै टेक्सासको उत्तर भागमा रहेका भेनेजुएलाली आप्रवासीहरुको निर्वासन तत्कालका लागि रोकेको छ। अदालतले १८औँ शताब्दीमा बनेको Alien Enemies Act अन्तर्गत हुने निर्वासनलाई रोक लगाएको हो।
अदालतले ट्रम्प प्रशासनलाई टेक्सासको Bluebonnet Detention Center मा थुनामा रहेका भेनेजुएलालीहरुलाई “यस अदालतको अर्को आदेश नआएसम्म” नहटाउन निर्देशन दिएको छ।
यस फैसलामा न्यायाधीश क्लेरेन्स थोमस र सामुएल अलिटोले असहमति जनाएका छन्।
ACLU को आपतकालीन अपिलपछि फैसलाः
यो आदेश अमेरिकन सिभिल लिबर्टिज युनियन (ACLU) ले सुप्रिम कोर्टमा दायर गरेको आपतकालीन अपिलपछि आएको हो। अपिलमा भनिएको थियो कि संघीय आप्रवासन अधिकारीहरू सन् १७९८ को Alien Enemies Act प्रयोग गरी भेनेजुएलाली आप्रवासीहरुलाई हटाउने तयारीमा थिए।
यसअघि दुईवटा संघीय न्यायाधीशले हस्तक्षेप गर्न अस्वीकार गरेका थिए र अमेरिकी पाँचौँ सर्किट अपिल अदालतले अझै कुनै निर्णय दिएको छैन।
इतिहासमै दुर्लभ प्रयोग:
Alien Enemies Act अमेरिकी इतिहासमा अहिलेसम्म जम्मा तीन पटक मात्र प्रयोग भएको छ। अन्तिमपटक दोस्रो विश्वयुद्धको समयमा जापानी–अमेरिकी नागरिकहरुलाई इन्टर्नमेन्ट क्याम्पमा राख्न प्रयोग गरिएको थियो।
यसपटक ट्रम्प प्रशासनले यो ऐन प्रयोग गरेर Tren de Aragua भनिने आपराधिक गिरोहसँग सम्बन्धित भएको आरोपमा भेनेजुएलाली आप्रवासीहरुलाई निर्वासन गर्न खोजिरहेको थियो, तिनीहरुको आप्रवासन स्थिति जे भए पनि।
नोट: यो निर्णयले ट्रम्प प्रशासनको आप्रवासन नीतिमा ठूलो प्रभाव पार्न सक्छ र Alien Enemies Act को प्रयोग सम्बन्धी कानुनी बहसलाई पुनः सक्रिय बनाएको छ।
(एपी र फक्स न्यूजको सहयोगमा)
